MUNGU MWENYE WIVU

OUR DAILY MANA

MUNGU MWENYE WIVU

Je, umewahi kujiuliza ni kwa nini Mungu alikuumba? Jibu la swali hili kwa wengi linaweza kuwa kama mtego lakini Kumbukumbu la Torati 6: 5 inasema hivi:

“Nawe mpende Bwana, Mungu wako, kwa moyo wako wote, na kwa roho yako yote, na kwa nguvu zako zote.”

Katika maneno haya Mungu anamwuagiza mwandamu ampende kwa moyo wote, na kwa roho yote, na kwa nguvu zote. Ukifuatilia matokeo yanayotokea endapo mtu anafuata maagizo haya kwa uaminifu utagundua kuwa kile Mungu anachotafuta kwa mwandamu ni KUABUDIWA.

Jinsi Mungu alivyotuumba alituumba ili tuwe vyombo vya ibada yaani tupate kumwabudu yeye. Ndiyo maana yesu akawaambia wale watu kuwa

“Nyumba yangu itakuwa nyumba ya sala; lakini ninyi mmeifanya kuwa pango la wanyang'anyi.” Luke 19:46

Na katika Yohana 4: 23, Yesu akasema “Lakini saa inakuja, nayo sasa ipo, ambayo waabuduo halisi watamwabudu Baba katika roho na kweli. Kwa maana Baba awatafuta watu kama hao wamwabudu.”

Tunachojifunza hapa ni kuwa Mungu anafuta watu wamwabudu katika roho na kweli. Hakuna sababu nyingine iliyomfanya Mungu atuumbe isipokuwa ni kutaka KUABUDIWA. Ndiyo maana Musa akasema

Bwana, Mungu wako, atautahiri moyo wako, na moyo wa uzao wako, ili umpende Bwana, Mungu wako, kwa moyo wako wote, na kwa roho yako yote, upate kuwa hai. (Deuteronomy 30:6)

Sasa swali la kujiuliza ni nini kinatokea pale ambapo sisi tunaacha kumwabudu Mungu?

Majibu ya swali hili yanaanzia pale Kutoka 20: 1-6

“Mungu akanena maneno haya yote akasema, Mimi ni Bwana, Mungu wako, niliyekutoa katika nchi ya Misri, katika nyumba ya utumwa. Usiwe na miungu mingine ila mimi. Usijifanyie sanamu ya kuchonga, wala mfano wa kitu cho chote kilicho juu mbinguni, wala kilicho chini duniani, wala kilicho majini chini ya dunia. Usivisujudie wala kuvitumikia; kwa kuwa mimi, Bwana, Mungu wako, ni Mungu mwenye wivu; nawapatiliza wana maovu ya baba zao, hata kizazi cha tatu na cha nne cha wanichukiao, nami nawarehemu maelfu elfu wanipendao, na kuzishika amri zangu.”

Tunachojifunza hapa ni kuwa pale tunaposhindwa kumwabudu Mungu katika roho na kweli, wivu wa Mungu unawaka juu yetu. Hebu chukulia mfano wa mzazi ambaye amemtunza mwanawe vizuri na kumpa kila kitu alafu kisha mototo huyo akaamua kuwa mkaidi na kutokumtii mzazi wake. Je, mzazi huyo atamfanyaje mwanawe?

Mungu ni zaidi ya mzazi, ni Mungu wetu, aliyetuumba kwa sura na mfano wake na akatuweka ili tumwabudu yeye. Ni dhahiri kuwa ni lazima Mungu awe na gadhabu juu ya wanadamu ambao wameacha kumwabudu yeye.

Kutoka 34: 14 inasema hivi: “Maana hutamwabudu mungu mwingine, kwa kuwa Bwana, ambaye jina lake ni mwenye wivu, ni Mungu mwenye wivu.” Katika msitari huu Mungu anawazuia watu wazi wazi akisema ‘hutamwabudu mungu mwingine.’

Tunaposhindwa kumwabudu Mungu wivu wa Mungu unawake juu yetu na hiyo inamfanya Mungu kuwapatiliza wana maasi ya baba zao hata kizazi cha tatu na cha nne. Nahum 1:2 inasema, “Bwana ni Mungu mwenye wivu, naye hujilipiza kisasi; Bwana hujilipiza kisasi, naye ni mwingi wa hasira; Bwana hujilipiza kisasi juu ya adui zake, huwawekea adui zake akiba ya hasira.”

Wivu wa Mungu pale tunaacha kumwabudu unamfanya atunze hasira yake katika akiba ya uharibifu. Hii inatupa kujua kuwa, ijapokuwa tunaweza kufanya dhambi leo na kuona kana kwamba Mungu haouni, lakini jua wazi kuwa Mungu anaona ila anakuwekea akiba ya hasira ili siku ya Mwisho iwe ni kilio na kusaga meno.

NAKUPA SHAURI MPE YESU MAISHA YAKO LEO.

YESU NI BWANA