FIMBO YA MUSA GOSPEL ARTISTS

Fimbo Ya Musa Gospel Singers wanatarajia kurekodi wimbo wao unaoitwa SI UJINGA hivi karibuni, na baadae albamu yao ya kwanza.

Online Gospel Channel

MJUE BENJAMIN DUBE

Mwandishi: Anderson Leng'oko

Mziki wa Afrika ya kusini ni muziki maarufu tangu kitambo. Ni mziki ambao unafahamika kwa uzuri wa melodi na tyuni zenye hisia kali sana. Kwa  upande wa muziki wa injili, Afrika Kusini imeendelea kutajwa kama nchi yenye vipaji vingi vikubwa sana.

Msanii ambaye tutamuongelea leo anaitwa Benjamin Dube. Yeye ni msanii mkubwa sana katika tasnia ya muziki wa injili wa Afrika ya kusini. Uzuri wa mashairi yake; uzuri wa nyimbo zake pamoja na nguvu ya Mungu inayopatikana katika nyimbo zake inamfanya apendwe sana.

Si hivyo tu bali Benjamini Dube anafahamika kwa unyenyekevu wake. Yeye siku zote anasema ‘in gospel we don’t have who is who, who is better than the other… but in gospel we complement each other” yaani katika mziki wainjili hatuna nani ni nani, yupi ni bora kuliko mwingine… bali katika mziki wa injili tunakamilishana.

Anafahamika kwa juhudi na kujitoa kwake katika huduma; kwani kwa mwaka anashiriki katika matoleo mawili. Anatoa toleo la kwake; anatoa toleo la Spirit of praise na anashiriki katika kuwasaidia wasanii wenzake katika matoleo yao.

Zipo nyimbo kadhaa ambazo zinaimbwa hapa Tanzania ambazo ziliimbwa naye kwa mara ya kwanza

Nazo ninakupenda eeYesu; Amen, na hakuna wa kufanana namwokozi wangu/nimemwona anapendeza.

MARTHA BARAKA: Unyenyekevu na kujishusha ni muhimu

Msanii wa nyimbo za injili Martha Baraka amewataka wasanii na watu maarufu kuwa wanyenyekevu  ili waweze kuishi na watu vizuri na hata kudumisha ndoa zao.

Martha Baraka amesema licha ya kuwa yeye mwenyewe anatetemekewa sana na watu na kukatiwa hata tiketi za ndege anapokuwa kwenye ziara za huduma; bado akifika nyumbani anauacha ule u Martha Baraka wake mlangoni na kuendelea kumhudumia mumewe kama mke.

“Nimetoka Mwanza, watu walikuwa wananitetemekea na wakanikatia tiketi za ndege… lakini nikifika nyumbani, ule u – Martha Baraka na umaarufu wangu inabidi uishie mlangoni”

Akiongea na mwanahabari wetu Yona David; Martha Baraka alionekana kumaanisha anachokisema na alikuwa na nasaha za muhimu sana kwa wasanii na waimbaji maarufu ambapo alikiri kuwa yeye kama yeye anajitahidi sana kuwa mama anapokuwa nyumbani na anamnyenyekea mume wake bila kujali kwamba jina lake ni kubwa sana kwenye jamii.